नेपाली महिलाको सानदार जित : ५० रनले चीन पराजित
आइसीसी महिला टी–२० विश्वकप क्रिकेटको एसिया छनोटअन्तर्गतको अन्तिम खेलमा नेपालले चीनलाई ५० रनले पराजित गरेको छ ।
थाइल्याण्डको बैंककमा पहिले ब्याटिङ गरेको नेपालले २० ओभरमा ८ विकेट गुमाएर १ सय २ रन बनाएको थियो । चीनका लागि हान लीले १५ र सी जोऊले १० रन जोड्नुबाहेक अरुले दोहोरो अंकमा रन जोड्न सकेनन् ।
याे जितसँगै नेपालको ६ अंक जाेडेकाेले विश्वकपको ग्लोबल छनोट खेल्न पाउने सम्भावना कायमै छ । १ सय ३ रनको लक्ष्य पछ्याएको चीनलाई १८ ओभर २ बलमा ५२ रनमै अलआउट गर्दै नेपाल विजयी भएको हो ।
नेपालको जितमा कप्तान रुबिना क्षेत्री र सबनम राईले समान ३–३, सरिता राना मगरले २ र करुणा भण्डारीले एक विकेट लिए ।
