राजपा नेता शरतसिंह भण्डारीको घर अगाडी बम विष्फोट
सरजुग महतो, महोत्तरी : राष्ट्रिय जनता पार्टीका अध्यक्ष मण्डलका सदस्य शरतसिंह भण्डारीको घरअगाडि आइतबार विहान बम विस्फोट भएको छ । भण्डारीको घरअगाडि रहेको पोखरीको डिलमा बम विस्फोट भएको र त्यसले कुनै किसिमको क्षति नभएको जिल्ला प्रहरी कार्यालय महोत्तरीेले जनाएको छ ।
महोत्तरीको औरहीमा रहेको भण्डारीको निजी निवासअगाडि बम विस्फोट भएको प्रहरीले जनाएको छ । नेता भण्डारी महोत्तरी क्षेत्र नम्बर २ मा राजपाको तर्फबाट प्रतिनिधिसभा सदस्यका उम्मेदबार छन् । बम कसले विष्फोट गरेको हो खुल्न सकेको छैन । घटनाको सम्बन्धमा थप अनुसन्धान भइरहेको महोत्तरीका प्रहरी उपरीक्षक कुवेर कडायतले जानकारी दिए ।
