स्व. प्रकाश दहाल : जसले आफैं फेसबुकको फोटो ‘ब्ल्याक एण्ड ह्वाइट’ बनाए
काठमाडौं । एका बिहानै माओवादी अध्यक्ष पुष्पकमल दाहाल प्रचण्डका एक मात्र छोरा प्रकाश दाहालको मृत्यु भएको खबर आएलगतै उनका साथी तथा शुभचितकहरुले समाजिक संजाल फेसबुक टविटर लगयातमा आफ्ना समवेदना प्रकट गर्दैछन् । तर स्व. प्रकाश अब कहिल्यै फेसबुक चलाउने छैनन् । प्रकाशको फेसबुकमा रहेको प्रोफाइल तस्वीरसमेत ‘ब्ल्याक एण्ड ह्वाइट’ बनिसकेको छ ।
‘ब्ल्याक एण्ड ह्वाइट’ फोटो आफैमा अब उक्त ब्यक्ति यो संसारमा छैन भन्ने जनाउछ । तर कस्तो संयोग, मृत्युपूर्व अगाडि नै प्रकाश दाहाल आफैंले रंगीन ‘प्रोफाइल पिक्चर’ हटाएर फेसबुकमा ‘ब्ल्याक एण्ड ह्वाइट’ तस्वीर राख्न भ्याएका छन् ।
उनले फेसबुकमा कृष्णबहादुर महरासहितको सामुहिक रंगीन तस्वीर हटाएर प्रकाशले अघिल्लो साता नै आफ्नो प्रोफाइल तस्वीर ‘ब्ल्याक एण्ड ह्वाइट’ बनाएका थिए । जुन अझै पनि देख्न सकिन्छ । आफ्नो फेसबुकको अन्तिम पोष्टिङमा भने प्रकाश दाहालले केही पनि नलेखिकन छोराको तस्वीर राखेका छन् । दाहालले आफ्नो फेसबुकको कभर फोटोमा बलिरहेको दीयो राखेका छन् । त्यहा उनी छोराका साथमा देखिन्छन् ।
