अरुले जिते सांसद मात्र बन्छन्, म त प्रधानमन्त्री हुन्छु : देउवा
डडेल्धुरा : प्रधानमन्त्री एवम् नेपाली कांग्रेसका सभापति शेरबहादुर देउवाले मंसिर २१ गते हुने प्रदेश र प्रतिनिधि सभाको निर्वाचनमा कांग्रेसलार्इ जिताउन मतदाताहरुलार्इ आग्रह गरेका छन् ।
उनले भने,’यहाँको विकासका लागि म सधैं इमान्दार भएको लागेको छु, यहाँहरुले मलार्इ आजसम्म जिताउनुभएको छ, यसका लागि मसंग धन्यवाद दिने शब्द छैन।’ डडेल्धुरा देउवाको निर्वाचन क्षेत्र हो ।
गृहनगर डडेल्धुरामा आयोजित चुनावी सभालार्इ सम्बोधन गर्ने क्रममा देउवाले डडेल्धुरामा कांग्रेसको नेतृत्वमा विकास भएको उल्लेख गर्दै अझै विकासका लागि कांग्रेसको नेतृत्व आवश्यक रहेको बताए । प्रधानमन्त्री देउवाले चुनावी अभियानका क्रममा अन्य दलहरुले विभिन्न आश्वासन दिएपनि विश्वास नगर्न आग्रह गरे ।
बामगठबन्धनप्रति कटाक्ष गर्दै प्रधानमन्त्री देउवाले विश्वमा कम्यूनिष्ट शासन पतन भर्इरहेका बेला नेपालमा भने अधिनायकवादको प्रयास भर्इरहेको आरोप लगाए ।
उनले अरुले चुनाव जिते सांसद मात्र बन्ने तर आफूले जिते फेरी प्रधानमन्त्री बन्ने भन्दै मतदातालार्इ फकाउन खोजे । ‘अरुले जिते त सांसद मात्र बन्ने हुन्न’, देउवाले भने, ‘म त फेरी प्रधानमन्त्री बन्ने हुँ । तपार्इहरु सांसद मात्र चाहनुहुन्छ कि प्रधानमन्त्री ?’
