गुल्मी र उदयपुरमा दुर्घटना: मृतकको संख्या ११ पुग्यो, केही घाइते
गुल्मीको गुल्मीदरबार गाउँपालिका-४ मा माइक्रो दुर्घटना भएको छ । बुटवलबाट तम्घासका लागि छुटेको बा ४ ख ५५०१ नं. को माइक्रोबस दुर्घटनाग्रस्त भएको जनाइएको छ ।
स्थानीय र प्रहरीले उद्धारको काम गरिरहेको छ । प्रारम्भिक जानकारी अनुसार माइक्रोबस अर्को गाडीसंग ठोक्किएर दुर्घटना भएको हो।
स्थानीयका अनुसार माइक्रोबस भिरबाट करिब ३०० मिटर तल खसेको छ । माइक्रोबसमा चालकसहित १३ यात्रु रहेको बताइएको छ । दुर्घटनामा ७ जनाको मृत्यु भएको छ ।
यता उदयपुरमा भएको दुर्घटनामा ४ जनाको मृत्यु भएको छ । कटारीबाट ओखलढुंगा जाँदै गरेको ना १ ज ३४०४ नम्बरको टाटा सुमो लप्से भन्जाङमा दुर्घटना भएको हो । त्यहा पनि उद्धारको कार्य जारी छ ।
