भैंसी चराउन जाँदा भएको यौन सम्बन्ध रहस्य खुल्ने डरले दिदीद्वारा भाइको हत्या
सिरहाको कर्जन्हा–२ की १६ वर्षिया प्रियंका यादवले आफ्नो यौनकाण्ड लुकाउन साथीसँग मिलेर १३ वर्षिय भाइको हत्या गरेकी छिन् । प्रहरीका अनुसार कात्तिक ३ गते भएको सो हत्यामा संलग्न उनीहरु दुवैलाई पक्राउ गरेर छानबिन सुरु गरिएको छ । हत्याका अभियुक्त १४ वर्षीय संजय र १६ वर्षीया प्रियङ्कालाई इलाका प्रहरी कार्यालय मिर्चैयाले पक्राउ गरेर आइतबार सार्वजनिक गरेको छ ।
भैसी चराउन जंगल गएको वेला प्रियंका र सञ्जयलाई भवेशले आपत्ति जनक अवस्थामा देखेपछि सो कुरा अरुलाई सुनाइदिने डरले उनीहरु दुबै मिलेर हत्या गरेको प्रहरीको अनुसन्धानबाट खुलेको इलाका प्रहरी कार्यालय मिर्चैयाले जानकारी दिएको छ ।
प्रहरी नायब उपरीक्षक गज्जुसिद्धी बज्राचार्यका अनुसार प्रियङ्का मृतक भवेशकै ठूलो बुबाकी छोरी हुन् । संजय धनुषा धनौजीकट्टी ५ का नथुनी साहका छोरा हुन् । उनी कर्जन्हा नगरपालिका २ स्थित मामा नविन साहको घरमा बसेर पढ्दै छन् । मृतक भवेश र हत्या गर्ने बालक संजय गाउँमा जहिल्यै सँगसँगै खेल्ने गर्थे ।
१४ वर्षिय सञ्जय साहसँगको यौन सम्बन्ध खुल्ने डरले प्रियंकाले साहसँग मिलेर आफ्नै ठूलोबुवाका छोरा भवेश यादवको हत्या गरेको प्रहरीले जनाएको छ । कात्तिक ३ गतेदेखि हराएका भवेशको शव घर ननिकैको सिशम जंगलको वनमारा घारीमा ५ गते बेलुका फेला परेको थियो ।
‘कार्तिक १ गते भैंसी चराउन जाँदा कमला नदी किनारको नर्सरीमा प्रियङ्कासँग संजयले यौन सम्पर्क राखेका थिए’, प्रहरी नायब उपरीक्षक बज्राचायले भने, ‘यौन सम्पर्क राखेको दृष्य भवेशले देखेका थिए । त्यसैले अरुलाई सुनाइदिन्छ कि भनेर प्रियंका र संजयले उनको हत्या गरेका अनुसन्धानबाट खुलेको छ ।’
यसरी बन्यो हत्याको योजना :
प्रियङ्का र संजय कात्तिक १ गते भैंसी चराउन नर्सरी पुगेका थिए। नर्सरीको झाडीमा प्रियङ्कासँग संजयले शरीरिक सम्बन्ध राख्दा भवेशले देखे । हतार हतार भवेश घर गए । भवेशका ठूलो बुवाको छोरी प्रियङ्का पनि घर पुगिन् । ‘शारीरिक सम्बन्धबारे म सबैलाई भनिदिन्छु’ भनेर भवेशले प्रियङ्कालाई भने । त्यसपछि तनावमा रहेकी प्रियङ्काले संजयसँग सम्पर्क गरिन्। यो कुरा सार्वजनिक भए समस्या हुन्छ भन्ने निष्कर्ष संजय र प्रियङ्काले निकाले । भवेशले कसैलाई भन्नुअगाडी नै उनको हत्या गर्ने योजनामा दुवै सहमत भए ।
आफूहरु धेरै मोवाइल र पटाका भेटाएको बहाना बनाएर प्रियङ्का र संजयले भवेशलाई फकाएर नर्सरी पुर्याए । पटाका यति धेरै छ कि हेरेपछि दिमाग खराब भइहाल्छ भनेर संजयले भवेशको दुबै आँखा बन्द गर्न लगाए । प्रियङ्काको सल लिएर संजयले भवेशको दुबै आँखा बाँधिदिए । पटाका र मोबाइल त के ल्याउनु प्रियङ्काले लुकाएर लगेको खुकुरी निकाले र भवेशको घाँटीमा बजारे ।
पालैपालो प्रियङ्का र संयज दुवैले खुकुरी उनको घाँटीमा प्रहार गरे। जतिबेलासम्म भवेशको शरीरबाट घाँटी अलग भएन त्यत्तिबेलासम्म खुकुरी प्रहार गरिरहे । त्यसपछि कसैले पहिचान गर्न नसकोस् भनेर संजयले भवेशको घाँटी नर्सरीको झाडीमा फालिदिए । भवेशको हत्या बारे प्रहरीले यस्तो रहस्य सार्वजनिक गरेको हो। भवेशको हत्या दिउँसो भएको थियो । प्रहरीले हत्या भएकै दिन साँझ नर्सरीमा उनको शव भेटेको प्रहरी नायब उपरीक्षक बज्राचार्यले पत्रकार सम्मेलनमा जानकारी दिए ।
संजयले आफूले नै हत्या गरेको स्वीकार गरे । उनले आफू प्रियङ्कासँग यौन सम्पर्क राख्दा भवेश देखेका थिए । घरका सबैलाई यौनसम्पर्क गरेको कुरा सुनाइदिन्छु भनेर भवेशले भनेकै कारण उनलाई हत्या गरेको संजयले प्रहरी समक्ष स्वीकारेका छन् । संजयले उनको हत्या गर्न आफूले यौनसम्पर्क राखेकी प्रियङ्काले सघाएको बताए । त्यसपछि प्रहरीले प्रियङ्कालाई पनि पक्राउ गरेको हो ।
