धुलाम्मे मैदानमा १ हजार ३ सय ४३ जनाको लिखित परीक्षा
प्रतिनिधि सभा तथा प्रदेश सभा निर्वाचनमा म्यादी प्रहरी हुन आवेदन दिएकाहरूले फिदिममा दिउँसो मध्याह्नमा धुलाम्मे खेल मैदानमा बसेर परीक्षा दिएका छन् ।
बुधवार दिउँसो रातो माटोले भरिएको मैदानमा दुई घण्टा बसेर म्यादी प्रहरी बन्नका लागि पाँचथरवासीले परीक्षा दिएका हुन् ।
जिल्ला प्रहरी कार्यालय पाँचथरका प्रहरी प्रमुख डिएसपी बामदेव गौतमका अनुसार १ हजार ३ सय ४३ जनाले लिखित परीक्षा दिएका हुन् ।
२ हजार १ सय ८० जनाले आवेदन गरे मध्ये शारीरिक परीक्षामा छनौट भएकालाई लिखित परीक्षामा समावेश गराइएको हो । यि मध्ये ८ सय २९ जना म्यादी प्रहरीलाई छनौट गरिने गौतमले जानकारी दिए ।
