लोकतान्त्रिक फोरमका थापा समूहको साथ उपेन्द्रको पार्टीलाई
बिजयकुमार गच्छदार नेतृत्वको नेपाल लोकतान्त्रिक फोरम नेपाली कांङ्ग्रेसमा गाभिएपनि असन्तुष्ट रहेका उक्त पार्टीको एउटा समुह संघिय समाजवादी पार्टीमा मिसिएको छ ।
सहअध्यक्ष शिवलाल थापा समूह संघीय समाजवादी फोरमको चुनाव चिह्न ‘मसाल’ लिएर निर्वाचनमा सहभागी हुने भएको हो ।
संघीय फोरम अध्यक्ष उपेन्द्र यादव र लोकतान्त्रिक फोरमका सहअध्यक्ष थापाबीच आगामी निर्वाचनमा सहकार्य गर्दै मसाल चिह्नबाट चुनाव लड्ने बुधबार सहमति भएको छ ।
लोकतान्त्रिक फोरमका अध्यक्ष गच्छदारले नेपाली काङ्ग्रेससंग एकिकरण गरेका थिए तर थापा समूह एकतामा गएको थिएन ।
थापा समूहमा तत्कालीन राष्ट्रिय जनमुक्ति पार्टी (लोकतान्त्रिक), दलित जनजाति पार्टी, नेपाल नागरिक पार्टीलगायतका नेताहरु छन् । ती दलका नेताहरु गत चैतमा लोकतान्त्रिक फोरममा सहभागी भएका थिए ।
प्रदेशसभा र प्रतिनिधिसभाको निर्वाचन आगामी मंसिर १० र २१ गते हुँदैछ । पहिलो चरणको निर्वाचनका लागि आइतबार नै उम्मेदवारको मनोनयन दर्ता भइसकेको छ भने दोस्रो चरणको यही कात्तिक १६ गते हुने निर्वाचन आयोगको कार्यतालिका छ ।
सहमति पत्र :
