पुनर्निर्माण प्राधिकरणको सीईओमा युवाज भूसाल नियुक्त
सरकारले पूर्वसचिव युवाज भूसाललाई राष्ट्रिय पुनर्निर्माण प्राधिकरणको प्रमुख कार्यकारी अधिकृत सीईओमा नियुक्त गरेको छ ।
मन्त्रिपरिषदको सोमबार बिहान बसेको बैठकले प्राधिकरण प्रमुख गोविन्द पोखरेलको राजीनामा स्वीकृत गर्दै भूसाललाई सीईओ नियुक्त गरेको हो । प्युठानबाट चुनाव लड्ने तयारीमा रहेका पोखरेलले आइतबार पदबाट राजीनामा दिएका थिए ।
नवनियुक्त सीईओ कांग्रेस नेता रामचन्द्र पौडेलका सम्धी हुन् । पौडेलले भूसाललाई गर्भनर बनाउन हदैसम्मको बल गरेका थिए ।
प्राधिकरण प्रमुख रहेकै अवस्थामा राजनीतिक गतिविधिमा संलग्न भएको भन्दै निर्वाचन आयोगले जिल्ला छाड्न यसअघि नै निर्देशन दिएको थियो ।
गत पुसमा तत्कालिन पुष्पकमल दाहाल नेतृत्वको सरकारले केपी ओली सरकारले नियुक्त गरेका सुशील ज्ञवालीलाई हटाउँदै कांग्रेस निकट पोखरेललाई प्रमुख नियुक्त गरेको थियो ।
