कट्रिनाको भनाई-‘रणबीरसँग भविष्यमा अब कहिले पनि काम गर्दिनँ’
रणबीर कपुर र कट्रिना कैफको बहुप्रतिक्षित फिल्म ‘जग्गा जासूस’ अर्को महिना रिलिज हुनेछ । दुबै यो फिल्ममा ब्रेकअपपछि पनि काम गरिरहेका छन् । यद्यपी, कट्रिनाले यो फिल्मपछि अब रणबीरसँग भविष्यमा कहिले पनि काम नगर्ने स्पष्ट पारेकी छिन् । एक चर्चित पत्रिकाको रिपोर्ट अनुसार कट्रिनाले फिल्मको प्रोमोशनल इभेन्टमा उनका लागि रणबीरसँग काम गर्न निकै कठिन छ ।
कट्रिनालाई उनी भविष्यमा रणबीरसँग काम गर्ने सम्भावना कत्तिको छ भन्ने प्रश्न सोध्दा उनले भनिन्, ‘यो निकै कठिन छ ।’ दुबैसँग नजिक रहेका निर्देशकले भने, ‘हुन त कट्रिना र रणबीरसँग भविष्यमा एक–अर्कासँग काम गर्नका लागि न त कुनै डेट्स छ न नै टाइम ।’
कट्रिना ‘टाइगर जिन्दा हे’ र ‘ठग्स अफ हिन्दोस्तां’ मा काम गरिरहेकी छिन् भने रणबीर संजय दत्तको बायोपिक र अयान मुखर्जीको ‘ड्र्यागन’ मा व्यस्त छन् ।
७ वर्ष सम्बन्धमा रहे कट्रिना–रणबीरः
स्मरण रहोस्, सन् २०१६ जनवरीमा रणबीर–कट्रिनाको ब्रेकअपको खबर सार्वजनिक भएको थियो । योभन्दा पहिले उनीहरु ७ वर्षसम्म सम्बन्धमा रहे । यतिमात्र होइन, ब्रेकअपको ६ महिना अघिमात्र उनीहरु लिभ–इनमा बस्न सुरु गरेका थिए । एजेन्सी
