नेप्से पुन १४ सय नजिक, ६३ अंंकले बढेपछि ६० करोडको सेयर खरिद बिक्री – तालिकासहित

१९ माघ २०७३, बुधबार ००:००

काठमाडौं, १९ माघ । नेप्से पुुन १४ सय अंकको नजिक पुुगेको छ । आज बुुधबार नेप्से ६३ दसमलव २३ अंकले बढेर १३ सय ८९ दसमलव ८३ अंकमा कायम रहेको छ । नेप्से सेन्सिटिभ पनि १३ दसमलव ६३ अंकले बढेर तीन सय एक दसमलव ७० अंकमा कायम रहेको छ ।

कुुल एक सय ३७ कम्पनीहरुको पाँच हजार एक सय २४ वटा कारोवारमा १८ लाख ३३ हजार चार सय ४० कित्ता सेयर खरिद बिक्री भएकोमा कारोवार रकम ६० करोड ६७ लाख तीन सय ४४ रुपैयाँ पुुगेको छ ।

आज सात वटा समुहको कारोवार भएकोमा सात वटै समुहको कारोवार बढेपछि नेप्से पुरै हरियो भएको छ । सबैभन्दा उच्च अंकले बढेको बीमा समुहको सुचक तीन सय ७६ अंकले बढेर छ हजार ८४ दसमलव ८२ अंंकमा कायम रहेकोमा आठ करोड ८५ लाख ९६ हजार चार सय रुपैयाँको कारोवार भएको छ ।

जलबिद्युुत समुहको सुचक ८० दसमलव ८९ अंंकले बढेर १६ सय ४१ दसमलव ८७ अंंकमा कायम रहेकोमा दुुई करोड ३२ लाख ५५ हजार दुुई सय रुपैयाँको कारोवार भएको छ । बाँणिज्य बैंक समुहको सुचक ६४ दसमलव पाँच अंकले बढेर १३ सय ३७ दसमलव ४८ अंकमा कायम रहेकोमा २९ करोड ४२ लाख ९७ हजार रुपैयाँको कारोवार भएको छ ।

बिकास बैंक समुहको सुचक पनि ५६ दसमलव पाँच अंकले बढेर १४ सय ४९ दसमलव ३९ अंकमा कायम रहेकोमा पाँच करोड ५० लाख ४१ हजार एक सय रुपैयाँको कारोवार भएको छ ।

यसैगरी होटल, फाईनान्स र अन्य समुहको सुचक पनि आज उच्च अंकले बढेको छ । आज बढी कमाउने कम्पनीको सुचीमा अग्रस्थानमो स्वालम्वन बिकास बैंक परेको छ भने गुमाउने कम्पनीको सुचीमा एनएमबी बैंक परेको छ । रकम कारोवारका आधारमा भने सिद्धार्थ बैंक अग्रसथानमा परेको छ ।

बढी कमाउने पाँच कम्पनीहरु (रकम रुपैयाँमा)

बढी गुुमाउने पाँच कम्पनीहरु (रकम रुपैयाँमा)

बढी रकम कारोवार गर्ने पाँच कम्पनीहरु (रकम रुपैयाँमा)