नेप्सेमा सामान्य गिरावट, बिकास बैंक र बीमा बाहेक सबैले गुमाए – तालिकासहित

५ माघ २०७३, बुधबार ००:००

काठमाडौं, ५ माघ । नेप्सेमा आज भने सामान्य अंकको मात्र गिरावट देखिएको छ । आज नेप्से शुन्य दसमलव ८१ अंकले घटेर १४ सय दसमलव ६८ अंकमा कायम रहेको छ । नेप्से सेन्सिटिभ पनि शुन्य दसमलव १५ अंकले घटेर तीन सय १७ दसमलव १९ अंकमा कायम रहेको छ ।

कुुल एक सय ३३ कम्पनीहरुको तीन हजार एक सय १६ वटा कारोवारमा १२ लाख १७ हजार छ सय १९ वटा कित्ता सेयर खरिद बिक्री हुंदा कारोवार रकम ३० करोड ९४ लाख २७ हजार पाँच सय ३० रुपैयाँ पुुगेको छ ।

सबैगरी आठ वटा समुहको कारोवार भएकोमा आज बिकास बैंक र बीमा समुहको कारोवार बढेको छ भने बाँकी समुहको कारोवार घटेको छ । बीमा समुहको सुचक ६६ दसमलव ७१ अंकले बढेर छ हजार आठ सय चार दसमलव १९ अंकमा कायम रहेकोमा चार करोड ९३ लाख २० हजार आठ सय रुपैयाँको कारोवार भएको छ  ।

बिकास बैक समुहको सुचक पनि छ दसमलव छ अंकले बढेर १५ सय १४ दसमलव ५८ अंकमा कायम रहेकोमा चार करोड दुुई लाख ३८ हजार एक सय रुपैयाँको कारोवार भएको छ । बाँणिज्य बैंक समुहको सुचक भने सो दिन तीन दसमलव ५८ अंकले घटेर १४ सय दसमलव ६८ अंकमा कायम रहेकोमा १७ करोड ५१ लाख ९७ हजार रुपैयाँको कारोवार भएको छ ।

होटल समुहको सुचक २२ दसमलव ६२ अंंकले घटेर १८ सय ५७ दसमलव ९५ अंकमा कायम रहेकोमा तीन लाख २६ हजार ७५ रुपैयाँको कारोवार भएको छ । आज फाईनान्स, जलबिद्युुत, उत्पादनमुुलक र अन्य समुहको कारोवार पनि उच्च अंकले घटेको छ ।

आज बढी कमाउने कम्पनीको सुचीमा परेको जनउत्थान सामुुदायिक लघुबित्त बिकास बैक परेको छ भने गुुमाउने कम्पनीको सुचीमा हिमालयन डिष्ट्रिलरी परेको छ । यसैगरी आज बढी रकम कारोवार गर्ने कम्पनीको सुचीमा भने  प्रभुु बैक परेको छ ।

बढी कमाउने पाँच कम्पनीहरु (रकम रुपैयाँमा)

बढी गुुमाउने पाँच कम्पनीहरु (रकम रुपैयाँमा)

बढी रकम कारोवार गर्ने पाँच कम्पनीहरु (रकम रुपैयाँमा)