शुक्रवार बिहान त्रिशूली नदीमा फेरि ट्रक खस्यो

२४ भाद्र २०७३, शुक्रबार ००:००

२४ भदौ चितवन ।  त्रिशूली नदीमा फेरि ट्रक खसेको छ । शुक्रवार बिहान ११ बजेतिर ट्रक चितवनको दारेचोक–३ घोप्टेभीरबाट त्रिशूली नदीमा खसेको जिल्ला प्रहरी कार्यालय चितवनले जनाएको छ ।

ट्रक सडकबाट झन्डै एक सय ५० मिटर तल त्रिशूली नदीमा खसेको प्रहरीले जनाएको छ । प्रहरीका अनुसार ट्रक खसेको स्थान नजिकै ना ३ ख ६०१७ नम्बरको नम्बर प्लेट भेटिएको भएपनि सोही ट्रकको भए नभएको पुष्टि हुन सकेको छैन ।

ट्रकमा रहेका चाउचाउ र बिस्कुट छरिएको अवस्थामा भेटिएको छ। प्रहरीको टोलीले अहिले घटनास्थल पुगेर उद्धार गरिरहेको छ ।