ओलीको पर्दाफास: थाइल्याण्डमा ‘र’ का अधिकारी बीच भेटवार्ता भएको पुष्टि !
काठमाडौं, २४ भदौं । स्वास्थ्य उपचारको बहानामा थाइल्याण्ड पुगेका एमाले अध्यक्ष केपी शर्मा ओलीले भारतीय खुफिया एजेन्सी र का उच्च अधिकारीसँग भेटवार्ता गरेको पाइएको छ । नेपाली दूतावासका अधिकारीलाई थाहै नदिइ ओली तीन दिन भन्दा बढी समय थाइल्याण्डमा हराएको थाइल्याण्डस्थित नेपाली दूतावासका एक अधिकारीले जानकारी दिएका छन् ।
ती अधिकारीकाअनुसार दुई दिन मात्रै अध्यक्ष एवम् पूर्व प्रधानमन्त्री ओली बु्रमगाड अस्पतालमा उपचारका लागि गएका थिए । त्यो समयमा ओलीले आफ्नै दैनिक जानकारी थाइल्याण्डस्थित नेपाली दूतावासलाई गराएका थिए । दूतावासले पनि पूर्व प्रधानमन्त्रीको बारेमा चासो राखेर आवश्यक सेवा सुविधा उपलब्ध गराएको थियो ।
मुलुकको कार्यकारी प्रमुख भइसकेको व्यक्तिको दैनिक जीवनमा गाह्रो साह्रो पर्दा सहयोग गर्ने चलन अनुसार नै उनलाई सहयोग गरिएको हो , तर पछिल्ला दिनमा ओली दूतावासका अधिकारीलाई समेत थाहा नदिइ बेपत्ता भएका थिए । दूतावासका अधिकारीले हैन हजुर केही सहयोग गर्नुपर्छ कि भन्दा ओलीले पर्दैन मेरो यसो भेटघाट छ भन्दै दूतावासका अधिकारीलाई नआउन भनेका थिए ।
दूतावासले उपलब्ध गराएको सवारी नचडी आफ्ना विश्वासपात्र विष्णु रिमाललाई लिएर ओलीले मध्य थाइल्याण्डमा रहेको भारतीय नागरिकले चलाएको होटल थाइ ग्राण्डमा भारतीय खुफिया एजेन्सी र का उच्च अधिकारीसँग भेटघाट गरेको स्रोतको दावी छ । दूतावासका कर्मचारीले भने खै प्रर्व प्रम ज्यू तीन दिन जसो हाम्रो सम्पर्कमा रहनुभएन, उहाँको भेटघाट राजनीतिक थियो कि आर्थिक थियो कि त्यो आफूहरुलाई थाहा भएन ।
ती अधिकारीले उपचारको क्रममा थाइल्याण्डमा रहँदा ओलीले उपचारको अलावा भेटघाटमा सरिक भएको बारेमा भने आफूलाई जानकारी भएपनि को को सँग कहाँ कहाँ भेटवार्ता भयो भन्ने बारेमा बताउन नसक्ने बताए । थाइल्याण्डमा कार्यरत गैरआवासिय नेपाली संघका एक प्रतिनिधिले नाम नलेख्ने सर्तमा दिएको जानकारीअनुसार ओलीले तीन दिन होटल थाइ ग्राण्डमा दारी पालेका भारतीय जस्ता देखिने व्यक्तिसँग भेटघाट गरेको बताए । आजको जनआह्वान साप्ताहिकमा खबर छ ।
ती प्रतिनिधिकाअनुसार अध्यक्ष ओलीको भेटघाटको चाँजो पाँजो भने भारतीय दूतावासका अधिकारीले नै मिलाएका थिए । त्यसो त विमानस्थलमा आयोजित पत्रकार सम्मेलनमा भने ओलीले आफू उपचारको लागि गए पनि सुतेर नबसेको बताएका थिए । राजनीतक प्राणी भएपछि भेटघाट, छलफल हुनु सामान्य विषय हो, त्यसलाई धेरै तन्काउनु जरुरी नरहेको उनको भनाइ थियो । आफू सुत्न नगएको, उपचार गरियो, नेपाली, विदेशी केहीसँग छलफल भयो, यो समान्य कुरा हो, तर जुन तवरले प्रचार भयो, त्यो भने गलत रहेको उनले किटस्थहरुलाई बताएका थिए ।
