२ जनाको रद्द, ४७ जनाले नेपाली नागरिकता त्यागे
सुनसरी । सुनसरी जिल्लामा ४७ जनाले आफ्नो नेपाली नागरिकता त्याग गरेका छन । जिल्ला प्रशासन कार्यालय सुनसरीका अनुसार २०६७ साल बैशाख १ गतेदेखि अहिलेसम्ममा ४७ जनाले नागरिकता त्याग गरेका छन भने दुई जनाको नागरिकता रद्द गरिएको छ ।
नागरिकता परित्याग गर्नेमा १८ जना पहाडी मुलका नेपाली नागरिक छन भने बाँकी २९ जनामा ११ जना मुस्लिम समुदायका र बाँकी मधेसी मुलका रहेका छन । सो अवधीमा दुई जनाको नागरिकता भने रद्द गरिएको छ । जसमा मेनुका अधिकारी र भुवन श्रेष्ठ रहेका छन ।
जिप्राका श्रोतका अनुसार नागरिकता रद्द भएकाहरुले झुठो विवरण पेश गरेर नागरिकता लिएको र परित्याग गर्नेहरुमा कतिपयले दोहोरो नागरिकता भएको कारणले पछि कारवाही भोग्नु पर्ने भयले त्यागेका छन भने अन्य विदेशको नागरिक भएपछि त्यागेको हो ।
