गर्भवति हुँदा हुँदै पनि काममा लगाव: गर्भवती भएपनि र्याम्पमा उत्रिदै करिना !
मुम्बई । करिना कपुरलाई बलिउडमा ट्रेन्ड सेटर मानिन्छ । कुनै बेला बलिउडमा साइज जिरो भित्राउने उनी यतिबेला गर्भवति भएको कारण चर्चामा छिन् । गर्भवति हुँदा हुँदै पनि कामको लागि उनको लगावका लागि धेरैले उनको प्रशंसा गरिरहेका छन् ।
भारतीय अनलाइन बलिउड लाइफका अनुसार उनी यस्तो बेला पनि र्याम्पमा हिँड्न आतुर छिन् । डेलिभरी पछि उनले सोनम कपुरको वीर दि वेडिङमा काम गर्ने बताइएको छ ।
मेकअप ब्राण्ड ल्याकमेसँग लामो समयदेखि आबद्ध करिना लामो समयदेखि यसले आयोजना गर्ने फेसन शोमा भाग लिँदै आएकी छिन् । गर्भवती भएपछि उनले यसपटक त्यसमा भाग नलिने चर्चा आइरहेको थियो । तर, उनले फेरि यसमा भाग लिने भएकी छिन् ।
