उखुको भुक्तानी नपाएको भन्दै इस्टर्न सुगर मिलमा तालाबन्दी
इनरुवा । उखुको भुक्तानी नपाएको भन्दै आक्रोशित किसानहरुले सुनसरीको अमाहिबेल्हा स्थित इस्टर्न सुगर मिलमा तालाबन्दी गरेका छन् । पूर्वाञ्चलकै सबै भन्दा ठूलो चिनी मिल इस्टर्न सुगर मिलमा किसानहरुले गएराती तालाबन्दी गरेका हुन् ।
करिव ४१ करोड भुक्तानी पाउन बाँकी रहेकोमा मिल व्यवस्थापनले आनाकानी गरी वेवास्ता गरेकाले तालाबन्दी गर्नुपरेको कोशी उखु उत्पादक संघका अध्यक्ष शिवलाल चौधरीले बताए ।
भुक्तानी पाउनु पर्ने माग गरेका किसानहरुले माग सम्वोधन नगरे थप कडा आन्दोलनमा उत्रने चेतावनी दिएका छन् ।
