मधेशी युवाहरुको ‘स्वराज फाउण्डेशन’ ले राहत संकलन गर्दै
काठमाडौं । तराई–मधेश लगायत देशको पहाडी क्षेत्रमा समेत ‘कोहराम’ मच्चाएको बाढीबाट पिडित बनेका हरुकालागि स्वराज फाउण्डेशन राहत संकलन कार्य सुरु गरेको छ ।
बिहीबारबाट राहत संकलन थालेको फाउण्डेशनले पहिलो दिनमै एक लाख ५ हजार संकलन गरेको फाउण्डेशनका बिकी यादवले बताए ।यादवका अनुसार शनिबारसम्म करिब दश लाख रुपैया संकलन हुने अनुमान गरिएको छ ।
फाउण्डेशनका सन्तोष लाभले संकलन भएको रकम पहिलो चरणमा सप्तरीका बाढी पीडितलाई राहत सामाग्रीका रुपमा वितरण गरिने बताए । लाभका अनुसार सप्तरी पछि अन्य बाढी प्रभावित क्षेत्रको अध्ययन गरेर राहत वितरण गरिनेछ ।
राहत संकलनको संयोजन गरिरहेका कासिन्द्र यादवका अनुसार स्वराज फाउण्डेशनले बाढीपहिरो अथवा मधेशमा हुने आगलागीको समयका राहत वितरणका लागि ‘स्वराज फाउण्डेशन सहयोग कोष’ स्थापना गरिएको बताए । उनले यस सहयोग कोषले अन्य विपदका बेला पनि सहयोग गर्ने जानकारी दिए ।
